يالايم عن حالتي

يالايم
عن حالتي راني مهموم...مايعرفلي لاطبيب ولا طالب


احليل
اللي راه كي مثلي مهموم...طول الليل يبات مشعالو لاهب


صيرالو
كي حالتي يحلم فالنوم...متولع بامثال تشبه للهارب


هذا
الحب اللي سكني قبل الصوم...عذبني قدام خطان الشارب


اهبل
قلبي لايقدر يبقى محروم...من فقد الزينة معرقة الحاجب


هايف
عنها كي الوشير المفطوم...لوموني ياخاوتي في ذا الجانب


مايشكي
بمحاينو غير المضيوم...اللي صبر خاطرو والله غالب


بيا
فقد حبيبتي صاف الخرطوم...هلكتني بعيون عنها موصايب


يا ويح
اللي شافهم وغدى مهزوم...يتبق عن طول حياتو هايب


لعقل اداتو
مابقاش عليا لوم...تبع ما بيا وخلاني سايب


تاقت
تضوي كي القمرة بين نجوم...لاح النور على الظلام الغايب


العين
الكحلة فوقها حاجب مرسوم...من نونين صواب عرقهم كاتب


يالايمني
راه قلبي صار حموم...هلكتني باحالها مثل القالب


كي طلقت
ممشوطها طايح مقسوم...متدربي طيات للمحزم رايب


القشوة
ضوات كي قمر القدوم...برق يلمع في سحابو يتقالب


الرقبة
صاري جايبو بابور العوم...ولا كاس قزاز بلارو راكب


مكانش
اوصاف مابيا فالروم...لجدل بوقرنين في جلبة عاقب


زين
الطولة خاطري منها معدوم...هلكتني بعيون والحزم شاحب


هذا
وصف العاقلة جبتو متموم...واذا خاب القول قولولي كاذب


اسم
الشاعر اللي كتب هذا المنظوم...مزروع حويلي جايب القول مصاوب


كلمات : مزروع حويلي – سيدي خالد