فطيمة وعلاه مني مت

فطيمة وعلاش مني متحشمة...ردي
عني يابنية عين غراب


ناسك ناس كبار من ناس
الهمة...فرجاوية نايلية من لقطاب


راني نستناك ولو بكلمة...راني
نترجاك رديلي بجواب


مانصبرش عليك وسكنتي ثمة...قلبي
حبك زادني محنة وعذاب


مهموم ومغموم حسيت بحمة...وراها
ناري شاعلة في قلبي طاب


سهرني قداش ليلة
فالظلمة...سهرني قداش نومي عني غاب


خافي من مولاك واسقني
بالما...والله راني عاشقك ماني كذاب


قلبي يفكر فيك من دون
الامة...وانتي نسيتيه لحباب ولصحاب


خايف درك يزيدني عنك غمة...حتى
حبك خايفو عني يصعاب


وانا شفتك فالقضبة وسط
النجمة...وسط الصاحية مكان سحاب


نتأمل بضياك نحسبها نعمة...وانا
في نقمة ومادرتش لحساب


راني نية يالبنية نستمة...مول
النية دايما قلبو يرطاب


ولد مجدل بن عمك جاب
الكلمة...مايقدر ينساك ياكحلة لهذاب




كلمات الشاعر سماعيل من مجدل