واش يداوي قلبي

عجل ياطبيب وأكشف عليــــــا...قلبي موجوع واش
يداويــــــه


نار الحب شاعلة تكوي فيـــــــا...بركان ثاير
شكون يطفيـــــــه


برد الناير مسم مالاقش بيـــــــا...وحمان الصيف كيف نلاويــه


عيني وعلاش راكي موذيــــــة...رميتيني
في بحر مانقدر عليه


جملتي لهموم وقربتيها ليــــــــا...ولعمر
اللي بقالي حبيتي تفنيه


واش يسلكني من هذي لبليــــــة...واعص
ضرها واش يبريـــه


قاست قلبي بسهام قويـــــــــــــة...جدها
متين انا مسلم ليـــــــــه


مرقدة عينيها فالكحل البدويـــــة...
قفنجال القهوة مسربية فيــــه


لخدود اعطارو شاو الصبحيـــة...النيف
المرقوم الخانة مساميـه


المبسم براق خايف على عينيــا...منين
القبلة منا ولا منهيـــــــه


راني ممحون خبروا اماليـــــــة...هذا
الزين ماريت امثاليـــــــه


نحسب روحي الوقت فات
عليا... وبابي لامن عاد يخبط عليـــه


ماضنيت هذا الهول يستنى فيـا...وما
حطيت قلبي يتعلق بيــــــه


عاودت حساباتي وخممت
شوية...ملزوم عليا عمري نجافيـــــه


معروف انا رزين مولا عقليــة...وانيش
طايش اللي تجي تديــه


مولاة الخانة واش جابك ليـــــا...خوضتي
مايا علاش عكرتيــه


يهديك الله عيشة ارفقي بيــــــا...لا
عينك فالخير اسعاي ليــــــه


اعملي بالراي لازمنا تضحيـة...انا
ننساك واسمي لابدا تمحيـــه


عندي وليدات هوما قرة
عينيا...ويماهم قلبي راها شاركة فيــــه


الله يهديك ديري فيا مزيـــــــة...اذا
عندك الحل اعزمي ليا بيــه


اذا كان سحور وجربتي فيــــا...وريلي
طالبك علاش تخفيــــــه


واذا محبتك صافية روحانيــة...ربي
يصبر عليك قليبي ويشفيه


شيتور عامر ذيك التسميــــــة...ناس
سيدي خالد اهلو واماليـــه
كلمات :اعمر شيتور