مولات التصويرة

مولات
التصويرة غير صارحينـــــي...ذاك الزين مقلد ولا دوريجيـــن
واذا كنت انتيا امالا
سامحينــــــــــي...نقول عليك كليمة ولا اثنيـــــن
شيطاني ركحلي كي
قابلتينــــــــــــي...وطلبت المعونة تحضر فالحين
بحثت على معلومات عنك
تجينـــــي...اسمك بانلي نجلاء ياسميــــن
عيونك حجازي اذا
تفهميـــــــــــــني...كي خروب بلادي داير ظليــــن
تسحر اللي على يساري
ويميني...وتطوع اللي يظن في روحو متين
خدودك نوار علاش تسقسينـــــــــي...ماعندي
مانقول في هذالزيـــن
انا نوصفلك اللي شافتو
عينـــــــــي... في بومرداس بالظبط ويــــــن
مبسمها شامي ضحكة
تكفينـــــــــي...عسل النحلة شافي وحنيــــــن
واذا شخت معاها هيا
تورينــــــــــي...لطافة وظرافة وكلام رزيــــن
على مدحك ياطفلة خيك
صبرينـــــي...انايا شاعر والشاعر مسكين
على هذي لوصاف شكون
يواسيني...نحلف ماريتها في بنات اخرين
سالفها قالت ماهمش
مجينينــــــــي...اكحل ومدربي فوق الكتفيــــن
رقبة بلار شفافة
ياعينــــــــــــــــــي...يوضاح الماء كي يحدر منين
في نادي دزايرنا ديمة
تلاقينـــــــــي...وتنحي عليا هموم السنيـــــن
اشرافك فالمنتدى نجلاء
عجبتيني...يقدرك عموم لاعضاء و الخاصيين
نطلب ربي يهنيك ويزيد
يهنينـــــــي...ويبلغلك مرادك عالم اليقيــــن
عربون محبة اذا كان
قبلتينــــــــي...عامرشيتور اذا كنتوا ناسيين

كلمات: أعمر شيتور- سيدي خالد