واش يصبرني عليك

حسبتي حمة مسفه فيسع ينســــــاك...وانت عندك ساهلة كلمة انسانــــي
انا قلبي مصهود بحموم هــــــــــــواك...واش يطفي فيه ذيك النيرانــــــــــي
يا بنت الاصول ما قدرتش نجفــــــــاك...واذا جفيتك جفيت روحي ثانـــــــــي
تحكمني غمة كي نسمع سمـــــــــــاك...ونزيد نذكر اسمي ونقولك بانـــــــي
وين تحط القافلة نحط بحـــــــــــــــذاك...نرقب ليك وندير شانك من شانــــي
نلوح السلام على هذا وهـــــــــــــذاك...ومانقدر نقلك يا فلانة بانــــــــــــــي
خقت نديرلك مشكل مع يمــــــــــــــاك...كي نبعثلك مرسول يجيلــــك عيناني
جرحتيني كي قولتيلو نيميرويا جــــاك...وهو ماشفيتو كي قالك راه جانــــي
حبك ياظالمة ولالي نقمة وهـــــــــلاك...وعاد كي المرض الشين فيا دخلاني
نعدي ايامات فيهم نستنــــــــــــــــــــاك...جميع من فوق لارض راهو فانــي
ندعي رب الكون بالقدرة يرعــــــــــاك...وانايا يصبرني ماهو لازم ينسانــي
يعطيك الصحة ويزيدك لمـــــــــــــــلاك...ويحفضلك لميمة ويحققلك لمـــاني
تزهالك ليام وتجيبي ياربي البــــــــــاك...وتتبدل لحياة بين دقيقة وثوانــــــي
وماعدتي تقوليلي ياحمة وشــــــــراك...وما عدتي تحتاجي نفسرلك لمعاني
القصة كملت وربي يدوم اهنــــــــــــاك...الليلة ان شاء الله مطمن وهانـــي
وينعل بو العشق اللي كيما هـــــــــــاك...طيحني على لوعار وحطملي كياني
كلمات:شيتور اعمر - سيدي خالد